दशैँको टीकाको दोस्रो दिन पनि नेपालीहरूले मान्यजनबाट टीका र जमरा ग्रहण गर्ने क्रम जारी छ। परिवार तथा आफन्तकहाँ पुगेर टीका लगाउने, जमरा ग्रहण गर्ने र आशीर्वाद लिने परम्पराले दशैँको उत्सवलाई निरन्तरता दिएको छ।
दशैँमा टीका र जमरा लगाएर ठूलाबडाबाट आशीर्वाद लिने चलन नेपाली समाजमा पुस्तौँदेखि चल्दै आएको छ। यस अवसरमा आफन्तसँग भेटघाट गर्ने र पारिवारिक सम्बन्धलाई थप बलियो बनाउने परम्परा पनि कायम छ।
