पोखरा, ४ वैशाख | जिल्ला प्रहरी कार्यालय कास्कीले पोखरा महानगरपालिका वडा नं. २७ स्थित तालचोकबाट जुवातास खेलिरहेको अवस्थामा ९ जनालाई पक्राउ गरेको छ।
घटनाको विवरण:
इलाका प्रहरी कार्यालय शिशुवा कास्कीबाट खटिएको विशेष टोलीले हिजो (वैशाख ३ गते) अपराह्न ४:४५ बजे तालचोकस्थित हिमालीटोलमा छापा मारेको थियो। जुवा खेलिरहेको भन्ने गोप्य सूचनाको आधारमा प्रहरी टोलीले त्यहाँ पुगेर उनीहरूलाई नियन्त्रणमा लिएको हो।
बरामद सामग्री:
प्रहरीले जुवाको खालबाट स्वदेशी तथा विदेशी मुद्रा सहित निम्न सामग्री बरामद गरेको छ:
- नेपाली रुपैयाँ: ६७,५६०/- (सर्सठ्ठी हजार पाँच सय साठ्ठी मात्र)
- अमेरिकी डलर: ११२/- (एक सय बाह्र मात्र)
- अस्ट्रेलियाली डलर: २४०/- (दुई सय चालिस मात्र)
- तास: ४ बुक
कानुनी कारबाही:
पक्राउ परेकाहरूलाई ‘सार्वजनिक हित, स्वास्थ्य, सुरक्षा, सुविधा र नैतिकता विरुद्धको कसुर’ अन्तर्गत मुद्दा दर्ता गरी अनुसन्धान अगाडि बढाइएको छ। जिल्ला प्रशासन कार्यालय कास्कीबाट ६ दिनको म्याद थप गरी उनीहरूमाथि थप कानुनी प्रक्रिया सुरु गरिएको सूचना अधिकारी प्रहरी निरीक्षक गणेश पाण्डेले जानकारी दिनुभएको छ।
