काठमाडौँ, ३१ वैशाख । राष्ट्रिय परीक्षा बोर्ड, परीक्षा नियन्त्रण कार्यालय कक्षा १०, सानोठिमी, भक्तपुरले २०८२ सालको माध्यमिक शिक्षा परीक्षा (SEE) पूरक (ग्रेड वृद्धि) को समय तालिका सार्वजनिक गरेको छ।
बोर्डको मिति २०८३/०१/२८ गते बसेको बैठकको निर्णयानुसार उक्त परीक्षा आगामी असार महिनामा सञ्चालन हुने गरी कार्यतालिका तय गरिएको हो। परीक्षा बिहान ८:०० बजेदेखि ११:०० बजेसम्म सञ्चालन हुनेछ।
विस्तृत परीक्षा तालिका:
- असार १ गते (सोमबार): अनिवार्य अङ्ग्रेजी (१०११) / संस्कृत तर्फ अनिवार्य संस्कृत रचना / मदरसातर्फ अनिवार्य अरेबिक भाषा।
- असार २ गते (मङ्गलबार): अनिवार्य नेपाली (१०२१) / गैर नेपाली विद्यार्थीका लागि अतिरिक्त अङ्ग्रेजी (१०६१)।
- असार ३ गते (बुधबार): अनिवार्य गणित (१०३१)।
- असार ४ गते (बिहीबार): अनिवार्य विज्ञान तथा प्रविधि (१०४१) / संस्कृततर्फ वेद/नीतिशास्त्र / मदरसातर्फ अनिवार्य सिरत र इस्लामी।
- असार ५ गते (शुक्रबार): अनिवार्य सामाजिक अध्ययन (१०५१) / प्राविधिकधार तर्फ ऐच्छिक गणित / संस्कृततर्फ संस्कृत भाषा व्याकरण।
- असार ६ गते (शनिबार): साधारण तथा संस्कृततर्फ ऐच्छिक प्रथम पत्रका सबै विषयहरू / प्राविधिक धार (नयाँ पाठ्यक्रम) तर्फका विषयहरू (Animal Health, Industrial Agriculture, C++, Electrical Machine आदि)।
- असार ७ गते (आइतबार): साधारण तथा संस्कृततर्फ ऐच्छिक द्वितीय पत्रका सबै विषयहरू / प्राविधिक धारतर्फ Dairy Product Technology, Crop Production, Electronics Repair आदि।
- असार ८ गते (सोमबार): प्राविधिक धारतर्फ Veterinary Laboratory Technology, Horticulture, DBMS, Engineering Surveying आदि।
- असार ९ गते (मङ्गलबार): प्राविधिक धारतर्फ Aquaculture, Floriculture, Digital Design, Music, Dance आदि।
परीक्षार्थीका लागि मुख्य नियम तथा निर्देशनहरू:
- योग्यता: २०८२ सालको मूल परीक्षामा नियमित समूहबाट सम्मिलित भई ‘Not-Graded’ (NG) भएका परीक्षार्थीहरू मात्र यस परीक्षामा सहभागी हुन पाउनेछन्।
- आकस्मिक बिदा: कुनै आकस्मिक बिदा पर्न गएमा पनि राष्ट्रिय परीक्षा बोर्डको पूर्व सूचना बिना परीक्षा स्थगित हुने छैन।
- प्रवेश पत्र: परीक्षा हलमा प्रवेश गर्नका लागि पुरानै प्रवेश पत्र अनिवार्य हुनुपर्नेछ।
- परीक्षा केन्द्र: तोकिएको परीक्षा केन्द्र र तालिका अनुसार परीक्षामा सामेल नहुने परीक्षार्थीलाई परीक्षाको अर्को व्यवस्था गरिने छैन। केन्द्र परिवर्तन गर्न पाइने छैन।
- निषेधित वस्तु: परीक्षा हलभित्र मोबाइल, स्मार्ट घडी, ब्लुटुथ जस्ता विद्युतीय उपकरणहरू लैजान पूर्ण रूपमा निषेध गरिएको छ।
- थप जानकारी: परीक्षा सम्बन्धी विस्तृत विवरणका लागि बोर्डको आधिकारिक वेबसाइटहरू www.neb.gov.np वा see.gov.np मा हेर्न सकिनेछ।
