झापा, १ जेठ । झापाको अर्जुनधारा नगरपालिकाले शैक्षिक सत्र २०८३ का लागि नगरभित्र सञ्चालित मन्टेश्वरी तथा संस्थागत (निजी) विद्यालयहरूको अधिकतम शुल्क निर्धारण गरेको छ। नगरपालिकाको शिक्षा, युवा तथा खेलकुद शाखाले एक सूचना जारी गर्दै विद्यालयहरूले लिन पाउने मासिक, वार्षिक र भर्ना शुल्कको सीमा तोकेको हो।
नगरपालिकाले कक्षा नर्सरीदेखि कक्षा १२ सम्मको शुल्क विवरण सार्वजनिक गर्दै उक्त विन्डोभन्दा बढी शुल्क नलिन निर्देशन दिएको छ।
तोकिएको शुल्क विवरण यस प्रकार छ:
- नर्सरी, एलकेजी, युकेजी: वार्षिक शुल्क रु. ८,०००, भर्ना शुल्क रु. ४,०००, मासिक शुल्क रु. ४,०००
- कक्षा १ देखि ३ सम्म: वार्षिक शुल्क रु. ८,४००, भर्ना शुल्क रु. ४,२००, मासिक शुल्क रु. ४,२००
- कक्षा ४: वार्षिक शुल्क रु. ८,६००, भर्ना शुल्क रु. ४,३००, मासिक शुल्क रु. ४,३००
- कक्षा ५: वार्षिक शुल्क रु. ८,८००, भर्ना शुल्क रु. ४,४००, मासिक शुल्क रु. ४,४००
- कक्षा ६: वार्षिक शुल्क रु. ९,०००, भर्ना शुल्क रु. ४,५००, मासिक शुल्क रु. ४,५००
- कक्षा ७: वार्षिक शुल्क रु. ९,२००, भर्ना शुल्क रु. ४,६००, मासिक शुल्क रु. ४,६००
- कक्षा ८: वार्षिक शुल्क रु. ९,६८०, भर्ना शुल्क रु. ४,८४०, मासिक शुल्क रु. ४,८४०
- कक्षा ९: वार्षिक शुल्क रु. १०,८९०, भर्ना शुल्क रु. ५,४४५, मासिक शुल्क रु. ५,४४५
- कक्षा १० र ११: वार्षिक शुल्क रु. १०,०००, भर्ना शुल्क रु. ५,०००, मासिक शुल्क रु. ५,०००
- कक्षा १२: वार्षिक शुल्क रु. ८,२००, भर्ना शुल्क रु. ४,१००, मासिक शुल्क रु. ४,१००
कडा नियम र कैफियतहरू:
नगरपालिकाका शिक्षा शाखा प्रमुख हरि बहादुर कवरद्वारा हस्ताक्षरित सूचनामा शुल्क असुलीका सम्बन्धमा विशेष सर्तहरू राखिएका छन्:
- भर्ना शुल्क: नयाँ विद्यार्थीका लागि मात्र मासिक एक महिनाको शुल्क बराबर लिन पाइनेछ। पुराना विद्यार्थीसँग पुनः भर्ना शुल्क लिन पाइने छैन।
- वार्षिक शुल्क: स्वीकृत मासिक शुल्कको अधिकतम २ महिना बराबरको रकम मात्र लिन पाइनेछ।
- परीक्षा शुल्क: स्वीकृत मासिक शुल्कको ५० प्रतिशतभन्दा बढी लिन पाइने छैन।
अन्य शुल्क सार्वजनिक गर्नुपर्ने:
विद्यालयहरूले प्रस्ताव गरेका अन्य कुनै पनि विधाका शुल्कहरू विद्यालयको सूचना पाटी वा अभिभावकले सहजै देख्ने ठाउँमा अनिवार्य रूपमा राख्नुपर्ने पुनश्च: मा उल्लेख गरिएको छ। नगरपालिकाको यो निर्णयसँगै अभिभावकहरूलाई राहत मिल्ने र विद्यालय प्रशासनमा पारदर्शिता कायम हुने विश्वास लिइएको छ।
